ملاحظات هامة فى الصيف

Arch-Kareem Haridy

طبعا الجو الكفته اللي إحنا فيه ده ياريت تخلي بالكم من شويه حاجات كده .. هلخصها ف النقط دي ..
1- عدم تفويل السياره ياريت يبقي ع الاقل ربع التنك فاضي عشان الابخره والحراره .. وعدم حدوث إنفجار لاقدر الله .
2- علي قد ما تقدر متركنش ف الشمس المباشره عشان البويه بتاعت العربيه والصالون اجزاء البلاستيك متتعرضش للحراره وتسييح .. ولو ركنت ياريت يبقي ف شماسه ع الزجاج الامامي .. تقلل من دخول الحراره جوه الصالون
3- ياريت تسيب جزء صغير من اي شباك مفتوح جزء بسيط عشان الحراره متكتمش جوه الصالون ..
4- ياريت منسبش ف الصالون ازازه برفان مضغوطه او اسبراي العرق او اي حاجه مضغوطه عشان متتعرضش للانفجار
5- اول ما تركب عربيتك متشغلش التكييف ع طوول .. الاول افتح ابواب العربيه عشان الحراره تخرج من العربيه .. ولما تركب شغل المراوح بس .. وبعد كده شغل التكييف لانك لو شغلته ع طوول ده حمل ع الكمبروسور والماتور ..
6- راجع ضغط الكاوتش وياريت ع جهاز ضغط ديجيتال ومراجعه الكاوتش عشان نتجنب الانفجار .. فرده فيها سلك بالونه طريه من الاجناب لا غير ع طوووول .. دي حياه ولادك وحياتك ..
7- راجع ع الميه ف القربه والرادياتير .. وياريت نغسل دوره التبريد ونحط مياه موبيل الزرقاء " الجركن ب 85 بلبل " بلاش مياه عاديه ولا المقطره وشغل التكييفات ده ولو في صدا يتعالج بتسليك الراياتير وطرمبه الميه بتتغير ... عشان تتجنب مشاكل الحراره ع الماتور وخصوصا مع حمل التكييف .. وزياره بسيطه للميكانيكي يكبس دوره التبريد عشان نتأكد انه مفيش تسريب او تنفيس ..
8- بلاش ترش ميه ع الزجاج وهوه سخن .. عشان ميسرطنش " يتكسر "
9- تجنب الركنه ف الشمس عشان الصالون ميفقعش يشقق ويبقي شكله مش ولابد ... ويكلح
10- بلاش غسيل العربيه ف الجو الكفته ده عشان البويه .. احنا عربياتنا ع قدها مش مصممه للخليج .. لو اننا بقينا خليج فعلا ..
11- عينك ياريت ع مؤشر الحراره ولا قدر الله العربيه عدت الحراره المفروضه بتاعتها .. اركن وبطل وافتح القربه سنه سنه ووشك بعيد عشان ضغط الحراره .. ولو ناقصه بعد ما تفتح استني شويه ودور العربيه وزود .. ولو ناقصه ومفيش ميه كده يبقي ف مشكله ... استني لحد ما العربيه تهدي شويه ودور وزود لازم تستني عشان جوان وش السلندر ميضربش منك .. ربنا يستر طريقكم ..
12- راجع ع زيوت العربيه " ماتور - فتيس - باور - فرامل " بالذات زيت الماتور لان من خصائصه التبريد .. وكمان الفتيس الاتوماتيك تبريده بالزيت والميه هتلاقي خرظوم رايح لجنب الرادياتير ده تبريد الفتيس ..
13- نظره سريعه حوالين الماتور واماكن دخول وخروج المياه لو ف صدا نشوف من ايه واهم حاجه حوالين غطا قربه الميه لو حواليه صدا شيله ارميه لانه بينفس بخار مياه وبيقلل الميه ف القربه وكمان عند عصفوره الرادياتير " الغطا بتاعها "
ملطوشه للامانه