تاريخ الفتيس الاوتوماتك كهربا و واير

   Khaled Kasem

السلام الله عليكم

انا بعتبر الموضوع ده انفرااااااااااااد وغير مسبوق في اي منتدي آخر او جرووب للكوري عموما وبكلامي انفراد ما اقصدش توضيح نوعية زيت الفتيس الكهربا الصحيح لأ ابدا انا اقصد حكاية الفتيس الكهربا والواير وعلاقتهم بدايو من البدايه للنهاية
النهاردة حقدم لكم خلاصة تعبي ومجهودي 12 يوم في البحث والتنقيب عن الدليل القاطع علي نوع الزيت الموصي به في الفتيس الكهربا. ففؤجت بمعلومات لو ربطتها ببعضها. حتقدر تعرف ليه سمعة الدايو الاوتو وحشه ومين السبب. اما بخصوص الزيت فده مؤكد بس هما شوية صور وبروشوراات من بعض كتب الصيانة في مواقع اجنبية لاني عجزت آخذ معلومة من الكاتلوج الكوري علشان كله مكتوب بالكوري والنسخة العربية لا يأتي فيها اي معلومة عن الفتيس الكهربا. لان المصري فتيس واير
المهم لازم نعرف الاول الكود الخاص بالفتيس الكهربا والكود الخاص بالواير ودي بقة سبب كل التاخير في الحصول علي المعلومة الصحيحة وملقتهاش في اي كتب صيانه للدايو او لجنرال موتورز
قبل ما نبدأ لازم تعرفوا معلومة صغيرة بس في منتهي الاهمية واللي من خلالها عرفت ليه الفتيس الاوتو سواء واير اوكهربا في الدايو فاااااااااااااااااشل او بمعني ادق ضعيف ومش معمر. وانا لما بقول فاشل بقول كده مش من فراااغ دلوقتي حثبتلكم بالصور حقيقة الفتيسان ايه
فاكرين حضراتكم اثبتلكم في موضوع سير الكاتينة ان صناعة السيارات عموما صناعة مختلفة وكثيرة العناصر {صناعة مجمعة}برده نفس الكلام علي الفتيس
اكبر شركة في العالم كله بتصنع فتايس اوتوماتك لجميع السيارات هي شركة ZF الالمانية ودي بتعمل للBmw والاودي والفولكس فاجن والستروين ولجنرال موتورز{مش كل اصدارتها} والفولفو والرينو والبيجو والرينج روفر الخ الخ الخ
المهم اخذت شركة دايو بشكل او باخر حق اعادة صناعة الاصدارين.Zf4H14 وده هو الفتيس الواير والاصدار Zf4H16 وده بقه هو الفتيس الكهربا ودووول فتيساااان ممتازين جداااااااااااااااااااااا جداااااااااااااااااااااا ويركبوا علي مواتير لحد. 2000 cc كمان معلش خلي بالك معايا كلمه حق اعاااااااااااااااااااادة تصنيع دي علشان مهمة قوي
شركة Zf لما عملت الاصدارين دوول كانت الواير وهو 4Hp14 Zf بينزل في البيجو ال405 مويل من 89 الي 92 فقط والرينو كذللك والفولفو ال740 علي ما اتذكر وبعدين عملت الاصدار 4Hp16 Zf. بعد كده علي موديلات تانيه وماركات تانيه وده كان متطور حينئذا لانه كان اول اصدارتهم electronic control
فهو اقوي من الواير فعلا بس شرط يبقي الاورجنال يعني صناعة المانيه Zf
طيب اماال ايه اللي حصل الاجابه لم تستطيع الخبرة الكورية. {دايو} وقتها اعادة تصنيعه بنفس الكفاءة الالمانية مطلقا او علشان يخفضوا نفقات التكلفة ويقدروا ينافسوا بسعر العربيه في الاسواق {الاخيرة وجهة نظر شخصيه} في النهاية لما تقارن بين النسخة الالمانيه والنسخة الكورية من حيث الكفاءة والاداء والعمر الافتراضي لنفس الفتيس ونفس الاصدار حتلاقي فرق شااااااااااااااسع لصالح الصناعة الالمانيه بالطبع
طيب ايه دليلي علي الكلام ده حقولك لو جبت فتبس من عربيه بيجو قديمة 405 موديل1989 يحمل كود اصدار Zf4Hp14 وهو الفتيس الواير وركبته علي نوبيرا حتحس بنعومة وقوة وسحب وهدوء تااااام مع انه انتاج قديم بقولك موديل سنه89 في حين النوييرا وان الواير او النوبيرا 2 المصري حتحس بالارف من علو صوت الفتيس ومشاكله الكتير وسحبه الضعيف علي السرعات البطيئة {مفيش قوة وعزم} مع انه معمول طازة لموديلات ما بعد 97 الي 2008 بس المشكلة انه كوري الصنع مش الماني اصلي زي اللي موجود في البيجو والفولفو والرينو
نفس الكلام ينطبق علي الفتيس الكهربا مع الفارق ان جنرال موتورز المالكة لدايو لسه بتنزله لغاية دلوقتي في الاوبترا والافيو تحت اسم شيفروليه وبينزل في الدايو لاسيتي كمان
الدليل الثاني ان طباعة الكود علي الفتيس نفسه لو اصلي بتلاقي شعار ZF
او
Made in Germany
لكن النسخة الكورية الخاصة بدايو بتلاقي شعار دايو المعروف و
Made in Korea
والاتنين يحملان نفس الطراز والاصدار 4Hp14
ومش حتلاقي اي شعار بيجو ولا صنع في فرنسا ولا ستروين ولا رينو ولا شعار فولفو ولا صنع في السويد لان دول شركات كبيرة ورفضوا يضحوا بسمعتهم ومجرد التجربه في صناعة فتيس ومش حيقدروا يجارو الكفاءة الالمانيه ففضلوا الحصول علي الفتيس الاصلي علشان سمعه عربياتهم متنزلش
هههههههههههههههههه
حدوتة طويلة مجرد صور ومعلومات ولعبة كلمات متقاطعة ولازم تربط كل ده ببعض وتكون الحقيقة وحتفضل هي الحقيقة لحد ما يجي حد تاني غيري يهدم اللي انا قلته بالدليل غير الدليل حعتبره كلام مرسل ووجهة نظر. ليس الا
شركة دايو مش وحشة ولا قليلة ولا حاجه بالعكس دول عاملين عربيات محترمة جدا في زمنها لكن ذكائهم خانهم في الحته دي
لا منهم ابتكروا فتيس من نفسهم
ولا منهم جابوا فتيس جاهز من ناس خبرة زي الالمان وzf
هما اعادو تصنيع فتيس مش بتاعهم وقلدوه ونجحوا بنسبة 50% فقط
الخلاصة اللي عاوز يجيب من الاخر او بعد الاخر كمان ههههههه واللي ناوي يغير الفتيس بتاعة قريب بدل ما يجيب فتيس كوري يروح يشوفله فتيس الماني اصلي زي اللي عندة بالظبط يعني لو واير بدل الكوري يجيب بيجو 405 دي ناس كتير عارفينها الجديد بقة يدور في الرينو والستروين والفولفو كمان كلهم 4Hp14 بس Zf الاصلي. الالماني
والفتيس الكهربا لسه حدورلكم. علي ماركات العربيات التي تحمل نفد الطراز 4Hp16 يس Zf الاصلي الالماني
اما بخصوص الزيت للكهربا هو زيت موبيل او اسو LT 71141 وهو من عائلة اللون الابيض وهو نصف تخليقي مخصوص للفتيس الكهربا بتاع النوبيرا وشوية عربيات كمان الاثبات في الصور ايضا من البرشور
وزيت الواير كلكم عارفينه ديكسرون 3 atf 320 موبيل
وميصحش نحط ديكسرون 2 اللي هو موبيل 220 atf للفتيس الواير علشان معامل الاحتكاك بتاعة ومعامل اللزوجة ومعدل ارتفاع درجة الحرارة {مدي احتماله لدرجة الحرارة} مش مناسب خالص للفتيس وبيخلي الكلاتشات بتاعته تتآكل بسرعة وانضغاطة ضعيف عن الديكسرون 3 مما يسسب اجهاد جامد علي الطلمبة. وعدم احتماله للحرارة في الفتيس فبيتحرق بسرعة وبيخلي الفتيس صوته عالي كمان
وده اللي بيخلي الفتيس الكهربا يحتاج الي زيت مختلف علشان الزيت الابيض خفيف. ولزوجته اقل {نص تخليقي} فبالتالي انضغاطه اسرع وبيوصل لكل حتة في الفتيس اسرع واهم شيء تحمله الكبير لدرجة الحرارة يعني بيبرد اسرع وبارد علي مجموعة السيونليد الموجودة في الفلف بودي ودي اهم نقطة لان مكونات العنصر الكهربي في الفتيس دة بتتأثر بالافراط في ارتفاع درجة الحرارة غير الفتيس الواير خالص علشان مفهوش كهربا وده اللي بيخلي الفتيس الكهربا بالذات لما بيسخن بيخرف وساعات العربيه تبطل {نادرا} واحتماليه ضرب سينوليد بتاع حارة سرعة يعطل ويعلق. والفتيس مبيرجعش يشتغل كويس تاني الا بعد ما العربيه تبرد تماما وتغصل كابل البطارية وتعمل ريستارت {علشان يمسح الايرور. اللي اتسجل} ولمبه البور تطفي وده بسبب الزيت الاحمر الديكسرون اللي الناس بتحطوا في الفتيس الكهربا فاللي عايز بعد كل ده يحط زبت احمر في الفتيس الكهربا يحط وميشتكيش كل شويه اناء اليل واطراف النهار مر الشكوي من تخريف الفتيس ولمبه البور وفي الاخر فجأة فجأة فجأة الفتيس او الكنترول بتاعة يضرب ويبوظ او يعطل {يا اصحاب الفتيس الكهربا رفقا بالسينوليد الكهربي مبيستحملش حرارة زيادة والزيت الاحمر مبيقدرش يبرده ولا يحافظ عليه}
معلومة اثرائية هامه
رموز الفتيس الواير 4Hp14
رقم 4 يشير الي نسب النقل {سرعات الفتيس}يعني اربع سرعات امامية
رقم 14 يشير الي عدد الكلتشات في الفتيس
وكذلك الفتيس الكهربا 4Hp16
رقم 4 يعني اربع سرعات امامية
ورقم 16 يعني 16 كلتش
وعلي فكرةفيه اصدارات اخري بس متنفعش عربيتنا النوبيرا
5Hp18. 5Hp22. 5Hp24
6Hp22
الخ الخ الخ دول بقة بتوع الBmw والعربيات الغالية واللي فيها اكتر من اربع سرعات امامية ملحوظة اخري
ده رابط فيديو يثبت ان الفتيس الكهربا له فلتر بس عمره من عمر الفتيس يعني مش بيتنظف ولا يتفتح عليه زي الفتيس الواير مبتجيش جنبه الا لما الفتيس يعطل كمجرد محاولة http://m.youtube.com/watch?v=jSxoNH4ay7M دقيق الملاحظة حيشوف في الفيديو ده ختم الدايو علي الفالف بودي من الداخل وده دليل انهم صنعوا الفتيس بالكامل برؤية كورية وخامات كوريه صافيه ملهاش دعوة بالالماني
وده رابط لنوع الزيت المخصص للفتيس الكهربا. واللي بتوصي به gm وهو متهيألى مش موجود في مصر والبديل الرسمي هو زيت موبيل او اسو Lt71141
http://autoction.com/…/transmiss…/gm-oil-gear4-1liter-detail
المعلومة دي لصحابي وحبيبي وادمنا كلنا Kareem Haridy
والموضوع كله اهداء مني خاص للخال محمود احمد محمد.
اسيبكم بقي مع الصور وتحت كل صورة تعليق ابقوا اقراءوه
هذا وما كان من توفيق فمن الله وما كان من خطأ او سهوا فمني
وتقبلوا تحياتي
اخوكم
خالد قاسم

الفتيس الكهربا

 موقع علي النت متخصص في الفلاتر وده فلتر الواير اصدار  4Hp14

 موقع علي النت متخصص في بيع فلاتر الفتياس وده فلتر الفتيس الكهربا اصدار  4Hp16

فلتر الفتيس الكهربا  4Hp16

 زيت الفتيس الكهربا

 فلتر الفتيس الواير ومعاه الجوان الكارتيرة والاستك بتاع الزور

شوفوا علامة zf وصنع في المانيا علي الفتيس الواير الاصلي

5  نقلات 18 كلتش

 الفرق بين زيت الفتيس الكهربا والواير

 برشور من zf يوضح موديل وطراز الفتيس والزيت الموصي به وهو نفس الفتبس الكهربا بتاعنا 4H16

 صورة توضح ان زيت الكهربا هو lt71141 وليس دكسرون  3

برشور لشركة فتياس اوتو بتوصي بنوع الزيت المناسب لكل فتيس
بصوا علي الدايو حتلاحظم ان لما ذكرت transmission ZF. ذكروا نوع الزيت الابيض lt71141

 زيت كهربا للطراز 4Hp16 خاص بشركه gm وده مش موجود في مصر والبديل الرسمي هو lt71141

شوفوا شعار zf وصنع في المانيا علي اصئار الفتيس الواير الاصلي 4Hp14

 اصدارات اكثر من قويه باربع سرعات

الفتيس الكهربا المقلد صناعة كوريا وعلامة الدايو واختفاء علامة الشركه الاصليه zf ومفيش صنع بالمانيا

 الفتيس الواير الاصلي وشعار zf وصنع في المانيا لنفس الطراز 4Hp14

 وعندك واحد فتيس واير درجة ثانيه كوري

 الفتيس الواير الاورجنال الالماني وشعااااااااااار  zf

وعندك واحد فتيس كهربا درجة تانيه صنع في كوريا بشعار دايو

واختفاء الشركة الاصليه وشعارها

دي بقه علشان انا قرأت انهم بيعملوا فتياس كهربا للسوزوكي وانه نفس الاصدار بتاع الاوبترا النوبيرا الاوربي وهو 4Hp16 فمصدقتش الا لما شغت الصورة دي
سوزوكي علي هيئه اوبترا او دايو لاسيتي هههههههههههههههههه
ولا اي اندهاش