Abo Hams Sanhoty
بسم الله الرحمن الرحيم:
خطوات تعديل الفانوس الخلفى و على فكره نفس الكلام هيتعمل على الفانوس الامامى :ملحوظه كده على الماشى :
(( لازم تكون صاحب دماغ ومزاج و طولة بال عشان الشغل يطلع حلو ))
الاداوت المطلوبه :
1- هوت اير
2- مكوة لحام + قزدير
3- مفك صليبة عشان فيه مسمارين خلف الفانوس
4- اى اطقم ليد و ديه على حسب زوقت و تخيلك لشكل الفانوس اللى عندك
5- حوالى 3 متر سلك سماعات لزوم التوصيلات من الليد و الضفيره بتاعت الفانوس
6- مسدس شمع + شمع لتثبت الليد فى الفانوس
7- كلبسات دكر و نتايه و هنحتاج عدد 10 كلبسات دكر و 10 نتايه لكل فانوس
8- شريط لحام
9- زجاجة تنر
10 - ترانس 12 فولت
11- سيلكون الرماضى او الاسود بلاش الشفاف عشات تقفيل الفانوس
12- متر فامية احمر فوانيس لو عايز
طريقة التركيب :-
1- فك وش الفانوس
وده هيكون عن طريق الاتى
*هتجيب كارتونه و تحط فيها الفانوس و بتقفل عليها و على اول الكارتونه هتحط الهوت اير عشان الهواء السخن يبدا يفك السيلكون وده طبعا بعد متفك المسمارين اللى فى خلف الفانوس و خد بالك المده حوالى 10 بالكتير ان مكنش اقل هتلاقو فيديو للخطوه دى
2-فكيت الوش تمام.... عملية التنظيف من الاتربه و السيلكون و ده عن طريق غسيل الفانوس و بعد كده نشف الفانوس كويس و بعد كده يجى دور تنظيف السيلكون القديم بالتنر
3-خلاص تمت عمليت التظيف و كل مكان النظافه مكان السليكون احسن كل مكان عادة التركيب هتكون اسهل
4- نزلت و اشتريت الاطقم بتاعت الليد زى منتا عاوز قشطه كب هنركب ازاى
* اولا لازم تحافظ على توصيل الـ (+) مع (+) و الـ (-) مع (-) عشان ساعة التركيب ميطلعش عينك فى التوصيلات و طبعا التجربه هتكون على الترنس و بعد التوصيل للاضائة العالى و الواطى و ده على حسبب قرارك
5- نيجى بقى لجزء الدفيره هنعمل ايه فيها ؟؟؟؟ احنا هتقشر السلك حنه صغيره مثلا عند لمبة الفرامل هتلاقى 3 اسلاك ( احمر وده العالى او مع دواسة الفرامل ) + (اخضر وده الواطى او مع النور) + ( اسود وده الارضى العامل المشترك مابين العالى و الواطى)
بعد متقشر ال3 سلوك هتجيب حتت سلك حوالى 50 سم لكل سلك من الضفيره و يتم لحم السلك من ناحية الضفيره فى القطه المقشره و الجزء الاخر فيه الكلبس الدكر و الكلبس النتايه فى الناحيه الفانوس فى سلوك الليد (وصل السلوك و شريط لحام ) وصل يامعلم تمام .. تمام الحمد الله
6- ركب بقى وش الفانوس تانى بالسيلكون و قفل تمام و ارجع حط الفانوس فى الكاتونه فاكرها ؟؟؟ هههههههههههههه و حط الهوت اير تانى فى بداية الكارتونه ( قشة شبيه بالفرن ) 5 دقائق خرج الفانوس اكبس جامد الفانوس وتاكد ان الشفف الفانوس رجعت تانى مكانها ركب المسمارين تانى استنى نص ساعة على الاقل عشان السيلكون يكون نشف
ياله مبروك عليك فانوسك الجديد
ملحوظه التعديل مش هيكلفك اكثر من 150جنيه
وانا تحت امركم فى الاستفسارات
ارجو منكم بس الدعاء لبنتى همس
روعه الله سنور
ردحذف