بسم الله الرحمن الرحيم
ده الموضوع الي قولت ليكم عليه عن تركيب جيوان التاكيهات بطريقة تمنع تسريب الزيت وميضربش معاك علي طول او مع القرص علي المكنة بسرعة
هيعيش معاك خصوصا لو بتشتكي منه كل شهر او شهرين
في البداية هتحتاج
انبوبة سليكون لو جيوانك سليم"انا جبت سيليكون صيني ب10جنيه وزي الفل" ..انما لو الجيوان منتهي هات ابو 35جنيه واعمل الطريقة دي
وبالترتيب:-
-هتحل الوش والعربية بارده تماما تماما
-هتنضف المكان الي بيبات عليه الجيوان في الموتور من فوق كويس قوي ومتخليش فيه اي زيت او سليكون قديم"ناشف تماما"
-هتجيب سليكون نضيف انتا واثق فيه وابعد عن السليكون الاحمر و عموما انضف نوع سليكون هو 999 في نظري وعن تجربة
-هتيجي عند شفة الوش بتاع الموتور الي بيبات عليه الجيوان وتحط سليكون بس مش كتير وبايدك تفرده علي الشفة كلها داير ما يدور وتركز علي الحتتين الي من ناحية الموبينة الي غاطسين شبه النص دايرة هتكتر فيهم السيليكون وفي المنحنيات بتاعت الوش "هوضح بالصور"
-وتيجي علي الجيوان نفسه بعد ما تنضفه من الزيت وتركبه في الوش الفبر او الالومنيا تحط عليه بايدك السليكون بس بسيط قوي
-في الوقت الي هتحط فيه السيليكون علي الجيوان هيكون السيليكون الي علي الوش شد شوية
-هتبدأ بقه تركب الوش نفسه هتنزله في مكانه و تضغط عليه بايدك بسيط
-هتركب المسامير بتاعت الوش الفبر او الصواميل بتاعت الوش الالومنيا وتبدأ تربط علي شكل اكس بالراحة ومن غير اي عزم "يادوب جمع بس علي المسامير (متربطش للاخر عشان السيليكون ميبظش :D هيبقي كده انتا معملتش حاجة)
-تربط بسيط متشدش علي الوش خالص"اربط بس" وسيب الدنيا دي كلها يوم"24ساعة"
-تاني يوم هيكون السيليكون شد هتربط علي الوش"بس متحرقش" اربط بايد واحدة لحد ما كل مسمار يجيب اخره "بايد واحده" علي شكل اكس"يعني كل ما تربط اربط المسمار او الصامولة الي عكسها الناحية التانية
-هتروح بالعربية مشوار من غير ما تقرص عليها بغشامة وتسبها لما ترجع تبرد وتربط بايد واحده لو جاب ماشي لو مجبش متتعفاش
وبكده تكون ركبت جيوانك تمام
*ايه الفكرة من الموضوع ده
*انا بوضح لحضرتك حاجة هي ان السيليكون ده بيستخدم اصلا عشان تعمل بيه جيوان فانتا هتخلي جيوان العربية بايت في النص بين جمبين سيليكون وبالتالي الزيت مش هيهرب من تحته زي الجيوان من فوق بيبقي بايت جوه غطا التاكيهات بشفة احنا من تحت هنبيته برده جوه السيليكون الي عامل زي الشفتين حوليه
*تاني حاجة الفكرة دي كلها مبنية علي اننا بنتبع تعليمات استخدام اي منتج لان انتا لو عايز تستفيد من اي منتج استفادة كاملة وجيدة اتبع تعليمات استخدامه..لو شغلت دماغك زي الصنايعية عندنا هيشتغل بس مش هيقعد معاك
*انا لما عملت كده مغيرتش جيوان عملت الكلام ده علي القديم
*الي مش فاهم اي حاجة يسئل وانا هوضح ليه
-وهحاول اعمل فيديو ان شاء الله يوضح الطريقة
السلام عليكم
ده الموضوع الي قولت ليكم عليه عن تركيب جيوان التاكيهات بطريقة تمنع تسريب الزيت وميضربش معاك علي طول او مع القرص علي المكنة بسرعة
هيعيش معاك خصوصا لو بتشتكي منه كل شهر او شهرين
في البداية هتحتاج
انبوبة سليكون لو جيوانك سليم"انا جبت سيليكون صيني ب10جنيه وزي الفل" ..انما لو الجيوان منتهي هات ابو 35جنيه واعمل الطريقة دي
وبالترتيب:-
-هتحل الوش والعربية بارده تماما تماما
-هتنضف المكان الي بيبات عليه الجيوان في الموتور من فوق كويس قوي ومتخليش فيه اي زيت او سليكون قديم"ناشف تماما"
-هتجيب سليكون نضيف انتا واثق فيه وابعد عن السليكون الاحمر و عموما انضف نوع سليكون هو 999 في نظري وعن تجربة
-هتيجي عند شفة الوش بتاع الموتور الي بيبات عليه الجيوان وتحط سليكون بس مش كتير وبايدك تفرده علي الشفة كلها داير ما يدور وتركز علي الحتتين الي من ناحية الموبينة الي غاطسين شبه النص دايرة هتكتر فيهم السيليكون وفي المنحنيات بتاعت الوش "هوضح بالصور"
-وتيجي علي الجيوان نفسه بعد ما تنضفه من الزيت وتركبه في الوش الفبر او الالومنيا تحط عليه بايدك السليكون بس بسيط قوي
-في الوقت الي هتحط فيه السيليكون علي الجيوان هيكون السيليكون الي علي الوش شد شوية
-هتبدأ بقه تركب الوش نفسه هتنزله في مكانه و تضغط عليه بايدك بسيط
-هتركب المسامير بتاعت الوش الفبر او الصواميل بتاعت الوش الالومنيا وتبدأ تربط علي شكل اكس بالراحة ومن غير اي عزم "يادوب جمع بس علي المسامير (متربطش للاخر عشان السيليكون ميبظش :D هيبقي كده انتا معملتش حاجة)
-تربط بسيط متشدش علي الوش خالص"اربط بس" وسيب الدنيا دي كلها يوم"24ساعة"
-تاني يوم هيكون السيليكون شد هتربط علي الوش"بس متحرقش" اربط بايد واحدة لحد ما كل مسمار يجيب اخره "بايد واحده" علي شكل اكس"يعني كل ما تربط اربط المسمار او الصامولة الي عكسها الناحية التانية
-هتروح بالعربية مشوار من غير ما تقرص عليها بغشامة وتسبها لما ترجع تبرد وتربط بايد واحده لو جاب ماشي لو مجبش متتعفاش
وبكده تكون ركبت جيوانك تمام
*ايه الفكرة من الموضوع ده
*انا بوضح لحضرتك حاجة هي ان السيليكون ده بيستخدم اصلا عشان تعمل بيه جيوان فانتا هتخلي جيوان العربية بايت في النص بين جمبين سيليكون وبالتالي الزيت مش هيهرب من تحته زي الجيوان من فوق بيبقي بايت جوه غطا التاكيهات بشفة احنا من تحت هنبيته برده جوه السيليكون الي عامل زي الشفتين حوليه
*تاني حاجة الفكرة دي كلها مبنية علي اننا بنتبع تعليمات استخدام اي منتج لان انتا لو عايز تستفيد من اي منتج استفادة كاملة وجيدة اتبع تعليمات استخدامه..لو شغلت دماغك زي الصنايعية عندنا هيشتغل بس مش هيقعد معاك
*انا لما عملت كده مغيرتش جيوان عملت الكلام ده علي القديم
*الي مش فاهم اي حاجة يسئل وانا هوضح ليه
-وهحاول اعمل فيديو ان شاء الله يوضح الطريقة
السلام عليكم
ليست هناك تعليقات:
إرسال تعليق