Khaled Kasem
السلام عليكم جميعا
حاجة بسيطة بس المواظبة عليها بتظبط اداء العربية1/ صمام الايدل بيتنظف بمنظف كاربرتير او w40 كل 5000 كم
2/ حساس الهوا بيتنظف بمنظف الكترونيات جاف كل 5000 كم
3/ حساس الشكمان بيتنظف بصنفرة خشنه ثم تنر ناري او استون كل 10000 كم
4/ حساس الكرنك وحساس الكامة. بيتنظفوا وقت الحاجة فقط او لو اتسببوا في تعليقة او برجلة كمحاولة فقط لاعادة ظبط عملهم بw40
5/ حساس درجة حرارة الميه لو عمل تهيسه بيتصنفر صنفرة ناعمة ويتغسل ببنزين
6/ حساس الماب وحساس الtps لا ينظفوا نهائيا بأي نوع منظف ولا حتي بمنظف الكترونيات الجاف ممكن بس يتنفخ بالهوا البسيط زي البلاور لكن حذار مسدس الهوا المضغوط لاحتوائهم علي دوائر الكترونية فائقة الحساسية. للهوا والمنظفات
7/ فلتر الزيت يفضل الاصلي ويتغير مع كل غيار زيت او كل 6000 كم
8/ فلتر البنزين يتغير كل 20000 كم
9/ البويجهات عادية كل 20000 كم بلاتينيوم كل 40000 كم
10/ سلوك بويجهات اصلية كل 70000 كم سلوك كوري عادية كل 30000كم
11/ زيت الفتيس المانوال لو الكيلومترات المقطوعة به اقل من 100 الف كم يفضل تغيره لزوجة 70w85
وكل 45 الف كم تواظب عليه واذا لم يتم تغيير الزيت للفتيس ولا مرة سابقة والعربية تخطت ال150 الف كم لايفضل تغييره نهائي والكشف من وقت للتاني علي منسوبه وتزويده عند الحاجة ووضع زيت لزوجته 75w90.
وكل 45 الف كم تواظب عليه واذا لم يتم تغيير الزيت للفتيس ولا مرة سابقة والعربية تخطت ال150 الف كم لايفضل تغييره نهائي والكشف من وقت للتاني علي منسوبه وتزويده عند الحاجة ووضع زيت لزوجته 75w90.
12/ زيت الفتيس الاوتو الواير ديكسرون 3. الاحمر كل 25000الي 30000 كم
13/ زيت الفتيس الكهربا تخليقي. بالكامل الابيض كل 80 الف الي 100 كم
14/ زيت الفرامل والدبرياج كل سنتين يتغير ويفضل زيت dot 4 واذا لم يتم تغيير زيت الفرامل من قبل وتخطي هذه المدة الزمنية لا يفضل تغيره اذا اسود وتغير لونه لان طقم بلوف الماستر الرئسيي للفرامل حتنفش وتهترأ والخزنة حتفوت الزيت
15/ ميه الريداتير الخضرا الكولنت تتغير كل من سنتين الي 3 سنين
16/ فلتر الهوا كل 20000 كم
17/ فلتر زيت الفتيس الواير ينظف كل تغير زيت لو امكن ويتغير اذا كان فيه قطع مثلا فلتر فتيس الكهربا مييتغيرش. خالص لانه جزئين فيبر ومعدن وبيتنظف نفسه اوتوماتك بشكل لايعوق مرور الزيت اذا وجد رايش نتيجة الاستهلاك
18/ كاوتش العربية كل 5 سنين او كل 60000 كم ايهما اقرب
19/ سير الكاتينة والبلي الثابت والمتحرك كلهم عمر واحد لو gm اورجنال اصلي يتغيروا كل 45 الف كم
لو اي حاجة تانيه من 20 الف الي 25 الف كم كحد اقصي للامان
لو اي حاجة تانيه من 20 الف الي 25 الف كم كحد اقصي للامان
20/ تيل الفرامل الامامي لو اصلي كل 50000 كم لو ماركة تانيه اخره 25 الف كم وممكن اقل كمان للامان والتيل الخلفي القابقيب ده معمر حبتين ههههههه ممكن لحد 70 الف متجيش جنبه لو اصلي
21/ علبة الكانستر {مبخر البنزين او الفحامة} كل سنتين الي 3 سنين
22/ العفشة كلها طالما فيه تربيط ومحافظة وطرق نظيفة وسواقة معتدلة عمرها يطول مفيش حاجة من اللي فات يبقي مفيش مواعيد
23/ زيت الباور ستيرنج كل 3سنين او 30 الف الي 40 الف كم
24/ تنظيف دورة الانجكشن والرشاشات بمنظف الانجكشن اللي بيضاف. الي تنك البنزين كل 12000 كم. بلاش الافراط في استخدام منظفات الانجكشن بدون داعي
ليست هناك تعليقات:
إرسال تعليق