Ibrahem Saad
السلام عليكم ورحمة الله وبركاته
النهارده هتكلم ان شاء الله عن موضوع تعبنا كلنا سواء ملاك نوبيرا او اي سياره معروف عنها ان نورها ضعيف وناس كتير تقولك خليك في الزينون وناس تانيه تقولك ركب كتاوت نور والاخيره دي بالذات في معلومه مغلوطه الناس فاهماها هنشرح الكلام ده بالتفصيلاول حاجه لازم نفهمها ان لون النور نفسه عليه عامل مهم جدا وده راجع ان النور يعكس فقط الالوان المقاربه لدرجته بمعني ان هات نور احمر وسلطه علي جدار احمر ستنبهر من قوه السطوع طيب سلط نفس النور علي جدار اسود ستجد ان السطوع يكاد يكون معدوم طيب دي اول نقطه فهمناها كويس طب انت عاوز تقول ايه بالكلام ده ياعم ابراهيم شوف يا سيدي الخيه اللي بنوقع فيها ديما من تجار الزينون بتعتمد علي النقطه دي انه دايما بيجبلك صور ترويجيه للتجارب علي مدق تراب او اسفلت عليه تراب كتير عشان يقدر يعكس لون الزينون وتتفاجيء انك لما تركبه بتلاقي مشكلتين اولهم عدم وضوح الإضاءة على الاسفلت الاسود وتاني حاجه النور مشتت وغير واضح المسار ودي هنتكلم عنها في النقطه الجايه بس خلينا في نقطه النور الضعيف عالاسفلت طب ايه الحل ياعم ابراهيم شوف يا سيدي اول حاجه الزينون ليه مجموعه من الالوان تبداء ب 4300 كلفن وده الأبيض المصفر ثم 6000 الابيض الصافي ثم 8000 الأبيض المائل للزرقه وهكذا ديما اشتري اللمبه 4300 عشان هي الاقرب للون الاسفلت وعلي فكره هو نفس اللون اللي بينزل من المصنع في السيارات المدعومه بالزينونطيب تاني حاجه وهي التشتت وده راجع لان الزينون غير مخصص للعواكس (الفانوس العادي) والحل هنا ان زينون يعني عدسه من غير عدسه معندكش زينون او بقا تلغي كل الكلام ده وتجيب حاجه من التلت لمبات دول فيلبس رالي ودي بتحتاج كتاوت عشان وات 200 وممكن تحرق الضفيره والمفتاحاو اوسرام نايت بريكر او اوسرام اكستريم فيجن 200% ودول مش بتحتاج كتاوت وللموضوع بقيه ان شاء اللهاتمني اني اكون وفقت دمتم بخير
ليست هناك تعليقات:
إرسال تعليق