Arch-Kareem Haridy
تجربه لطيفه احب اشاركوا بيها
كان عندى الطلمبه بتسرب بنزين من تحت الكنبه الخلفيه
عالرغم فيها جوان لكن فى مشكله فى شفه التانك نفسها
سميت الله وفكيت الطلمبه - وفصلتلها جوان كاوتش
وجربت وظبطت مقاساتى وجمعت - وطلعت عين اهلى عشان اعرف اقفل الطلمبه
وجربت ... والحمد لله مفيش تسريب
ولكن ظهرت مشكله تانيه وهى ان التانك بيتشفط ويتطبق
و تقريبا علبه الرز باللبن اللى ورا ( الكانستر ) مسدوده ومحتاجه نضافه
او والله اعلم الفايظ مسدود ومش بيدخل هوا للتانك
او الحساس اللى تحت المنافولد اللى فالصدر - محتاج تغيير
تصلح مشكله - يطلعلك عيب تانى - اينعم هوة شغل بلدى - بس ارحم من تغير التانك فالوقت الحالى
بس لو حد عنده تسريب يفصلها جوان وان شاء الله - التسريب هيقف
*** هوى غطا التانك عشان يهرب بخار البنزين اللى فى التانك***
أنا كان عندى نفس مشكلة الانشفاط اللى بيحصل للتانك عندك. الحل عندى كان تغيير غطا التانك بواحد جديد ب 25 جنيه ﻷن الغطا فيه صمام بيدخل هواء للتانك يعوض البنزين اللى بيستهلك وبيسيب فراغ فى التانك بيؤدى لانشفاطه.
ردحذف