حل مشكلة المقصات

Rami Sami‎

السلام عليكم يا رجالة

الموضوع بخصوص مقصات النوبيرا اللى معروف ان جلبتها بتتلف بسرعة.
كنت بسمع صوت خبطة المقص من الناحية اليمين بس.
فكينا المقصين لقينا اليمين جلبته المتحركة طالعه من مكانها و الناحية الشمال سليمة.
المقصات ديه كانت كوري (CTR) و الصوت ده طلع بعد مغيرتها بشهر و كنت مغيرها من سنة تقريبا.
روحت أجيب مقصات جديدة كورى و من هنا بان المشكلة فين.

فى الصور واضح الاتجاه السليم للجلبة من مقص چى.إم. جديد.

فى الصور فى مقارنة بين اللى كان راكب و الأصلى الجديد و واضح الجلبة القديمة التالفة كان اتجاهها مش مضبوط.

واضح فى الصور ايضا اتجاه الجلبة فى المقص الكورى الجديد (لسه فى الكيس عشان رجعته) كان بعيد جدا عن الاتجاه الصحيح و ديه المشكلة اللى خليتنى ارجعه و أجيب الأصلى.

من الآخر المقص ال(CTR) ده جلبته بنسبة كبيرة بتبقا مكبوسة غلط. حتى لو جديد و جلبته مش مكبوسه صح هيبوظ على طول و ده مش عيب فى تصميم الجلبة لأن المقص الشمال كان شغال كويس رغم إنه كورى بس عشان كانت جلبته معدولة.

الحل إن اللى عنده جلب تالفة و بيض المقص سليم يجيب جلب النوبيرا الاصلى و يكبسها صح.
أما لو بيض مش سليم أو مش عايز يكبس يجيب المقص أصلى جديد (G.M).