Ibrahem Mohamed
السلام عليكم ورحمه الله وبركاته...شباب النوبيرا.
جايبلكم موضوع مهم جدااا للي بيعانوا من الفرامل طنابير قبب مش سكاكين بالنسبه للطنابير الخلفيه وكل شويه يرجلش عليها...
ده الحل المختصر المفيد وانا عن نفسي عامله في عربيتي وبقالها سنه اهو الحمد لله زي الفل واللي عملي الفرامل كده الميكانيكي بتاعي طارق دايوو ومن ساعتها وانا مش بنزله بصراحه 😂😂😂 لانه جابلي من الاخر.
صلوا بينا عالنبي... زيدوا النبي صلاه 😄
اهم حاجه تجيب تيل GM لانه من انضف الانواع واللي بيقعد مده طويله وبيمسك كويس عالطنابير و انا عن نفسي جربت انواع تانيه بيصفر وبيتزحلق فا الافضل يكون GM سعره في حدود 200-250 على حسب المكان اللي هاتجيبه منه...
ثانيا خش عالنيكانيكي و قوله فك الطنابير ورا ورجلش عليها بس الاول يصنفر الطنبوره والتيل بصنفره
ثالثا لازم بعد ما يركب العجل والعربيه مرفوعه لازم العجله ماتكونش تقيله علشان ماتسخنش ولازم العجلتين يكونوا زي بعض في الريجلاش علشان لاقدر الله لو واحده مش مظبوطه وانت بتدوس فرامل هاتلاقي العربيه زحفت وعرضت بيك في نص الطريق وشفتها بعيني عربيا سيراتو 2014 العجله اليمين ورا واقفه والشمال بتتحرك عادي والعربيه وقفت بجنبها في نص الطريق اقسم بالله قدام عيني و الكلام ده حصل قدام هايبر الشيخ زايد والحمد لله الناس كلها وقفت لحد ما عدل نفسه و دخل خدمه ووقف...فا ده مهم جدا لازم العجلتين يبقوا قد بعض في الرجلشه.
رابعا تخلي الميكانيكي يهربلك هوا من ال ٤ عجلات هايهوي الصاموله عادي جدا وسيبها تنقط زيت عاادي جداا و اول ما تجيب زيت زي الحنفيه كده يربط على طوول والموضوع ده في ال ٤ عجلات.
خامسا في صامولتين تحت قربه زيت الفرامل زي اللي في الصوره اللي قدام حضراتكوا دي يهوي واحده و واحد يدوس سنه سنه عالفرامل لحد ماتجيب زيت زي الحنفيه مش نقط لو نقط سيبها تنقط الفكره لازم تجيب حنفيه زيت ساعتها كده الهوا كله خرج 👍 والصاموله التانيه نفس ااكلام يهوي الصاموله و واحد يدوس سنه سنه عالفرامل و اول ماتجيب زيت كتير يقفل...
وبعد كده يشد واير الهاند تحت مسند الايد .
و الاول خاالص تجيب زيت باكم جديد وسعره عالي وماتستخسرش علشان دي الفرامل مفهاش هزار ...
وتحياتي لحضراتكوا جميعا
ليست هناك تعليقات:
إرسال تعليق